14 June 2014
本來我想嫁女餅用最簡單的方法,就是在奇華買嫁女餅卡,但是由於我屋企係傳統的潮洲人,而老豆非常非常堅持要買潮洲餅,連我阿媽都勸唔掂,因為一講就黑面!
唔想買潮洲嫁女餅其中一個原因,因為全人手製造,沒有餅卡可買,貴之餘仲要人力去九龍城買十幾餅回來派!
但老豆黑面我地都只好屈服!所以我地今日去左九龍城望望價錢!
分別出名有兩間
第一間 - 榮泰隆
禮盒大方而且價錢 168。
第二間 - 和記隆 (網上說話係有半世紀歷史,而我老豆一心想呢間)
大盒裝 300 蚊。
細盒裝 150 蚊。
我同Vincent 覺得好睇送禮,都係覺得榮泰隆好,但老豆應該想和記隆多!都係等他們選擇!
我亦都買左和記隆花生糖回去試,結果全家人覺得唔掂,老豆懷疑係轉了師傅,應該會買榮泰隆機會比較大!
決定下星期去黃大仙拎返擇日d野,再落九龍城榮泰隆買花生糖回家試一試先!