煩～回門乳豬

15 August 2014

放工逃走同尹生食旺角南記！

望著霆鋒的一生一世poster 食，特別開胃呀！ hahahaha ~ Y(^_^)Y

晚飯後，去左田園搵上次書展買唔到的書，每次一望書名就覺得好貼切=_=

16 August 2014

看了我地期待已久的 step up 5 

 

好勁呀！同以往一樣咁好睇呀！

17 August 2014

阿媽無啦啦，突然要求即日要回門！仲話酒樓送的乳豬不夠大隻，要去第二度買！

聽到就火起，又將我d 錢貼面子！第一即日回門時間很趕，第二仲要晨早流流搵邊個托乳豬-_-#

我話第二日回門一樣，死都唔肯，話佢以前都係咁同埋隻豬當日即時分俾人！妖講真，我d 舅父晨早又唔會來，應該晚上先現身，分條毛咩！

死都話隻豬代表個女仔，又話一定要大，講真我都唔介意，無都無所謂！根本就係自己面子問題！ 好火呀！

頂～ 回門呢樣野有排嘈呀！

推呀推 & 檸檬水

9th August 2014

今日約了去Step 度推淋巴，一點已經到達銅鑼灣，見有時間，立即去Citysuper 買幾個水樽！

點半準時到達step 度， 等左陣按摩師都到了，有d緊張呀，第一次通淋巴，唔知痛唔痛呀？一開始時，個按摩師話我好水腫，下身脹晒，有排搞呀！之後就話我應該平時寫字、坐姿唔正確！總之就要大搞！

個半鐘頭好快過，係腳有點點痛，其他都可以接受，做完個人爽很多！而且感覺腰骨都直左（唔知係咪心理作用）！下星期繼續！為了減肥為了健康加油！

檸檬水

這個水樽係我見到公司同事用見幾方便，上網看過檸檬水對健康不錯，所以就買左兩個for 自己（公司一個屋企一個）爸爸一個，Vincent 媽媽兩個，埋單都幾貴，不過是旦啦！

買這個主要迫自己飲多d水，平時我一早起身飲茶，吃飯飲茶，夜晚睡前都係飲茶，乖乖飲一杯清水都無！我覺得唔可以再係咁！

的確這樣我飲了很多水，一日三支（對於駱駝的我真係飲好多）。

我要努力keep 住飲呀！

趕！

2 August 2014

今天很好趕！5點鐘同尹生搬床俾小影，以為預時間好準，點知在太子狂打電話俾小影無人聽，在地鐵站等左陣。

本來想幫小影搬埋上樓，但果時已經5點50分，我地買左飛睇6點，唯有同小影講聲唔好意思要佢自己搬呀，幸好小影有車仔可以拉呢！

十分鐘趕去尖沙咀，真的沒可能，到最後6點10分先入場！開左場少少，都趕得切！

睇完戲周圍行，去左宮崎駿專門店睇野，尹生終於買左佢心儀的砌圖，而我都有收穫呀！（＾∇＾）

食完晚飯，去左海旁行下，但一到達海旁就落大雨！等左好耐都唔停，最後見無咁大雨就同尹生決定跑去地鐵站！

尹生識我咁耐第一次見我跑hahaha ~ 

最後都濕左少少，回家即沖涼！

今天真的很趕！