2016年11月21日 星期一

咳左三個幾月,呢三個月不斷重複,氣管敏感>鼻敏感>皮膚敏感⋯

現在算係好返左, 但氣管差左好多呀⋯⋯唔可以大笑,之前試過大笑回唔氣刺激條氣管,就不斷咳,咳到扯哮,仲咳到嘔=_=

今天尹生提議跑步練氣, 所以在家樓下的跑步徑跑,雖然行多過跑,但總算有郁動下。

我心裏面想,對上一次跑步係幾時?一路回想,好似係中學時⋯好遙遠呀。

現在開始實行跑步計劃!

2016年5月9日 星期一

7 May 2016

早個幾月打電話家計會預約驗身,今天一早就同尹先生去了,行左好多路,兜左好大個圈,終於到了灣仔家計會。

填寫好資料,見左一位姑娘,話問問我地幫佢地一個研究計劃,只係抽多少少血驗,見可以幫人,所以我地應承左!

到左抽血,好鬼驚呀,第一次抽, 姑娘問有無食野,因為我抽得比較多,驚會血糖低,好彩出門口前在家吃左飯, 而且覺得自己咁大舊,應該無事啦!

開始「吉」針入去已經覺痛,抽抽下覺得出汗同麻「脾」,問姑娘話無事,係我自己個人緊張(≧∇≦), 6支血真係好漫長呀!


抽完出去等十分鐘先可以離開, 走時覺得沒問題,離開去搭船就覺得手軟同暈, 問盒維他奶飲先覺得好 d,真的要睇返中醫了。




2016年3月29日 星期二

婚後入廚

27 March 2016

復活節假放得好爽呀,早上同婆婆、舅父們飲茶,發現大家的想法一樣,果然敵人的敵人就係朋友呀! 哈哈~ 飲完都兩點幾喇 !

出旺角會合尹生,在花墟買了花泥,然後再去深水埗買「拖板」, 假期真係好多人呀!我同尹生都怕怕,行兩步又俾人撞一撞,行到個人都好炆呀!拿拿聲買完就回去喇!

返屋企前,先買今天煮飯的材料,回家首先開機洗衫,尹生就補眠先(返早間好辛苦呢),而我收衫疊衫,搞掂晒所有野,我都補一補眠呀!

晚上起身煮飯,今天簡單的煮白汁芝士通粉,第一次用的廚房好唔習慣呀,不過都順利煮到一餐似樣呢⋯⋯

結婚99天快樂呀^_^





2016年3月17日 星期四

尹先生的細心

某一天, 尹先生好好心機幫我「meet」皮放落食物盒內,方便我帶返公司食,太窩心喇!咔咔⋯ 

西柚亦因為咁而變得更加好味呀!

2016年3月7日 星期一

新一年的第一次

婚後第一次準備新年,執屋雖然沒有人會來拜年,起碼覺得新年整整齊齊,準備了第一年的利是,完全不知道應該預算多少,所以預「唱」多點,用唔晒下年再封啦!

年29那天,第一次同尹生封利是,

整個新年都係不斷食食食食食,真係婚後增肥了不少,係時候要節制一下,減減肥喇!


2016年1月6日 星期三

另一個身分

19 December 2015

完成了!



以為前一晚會緊張到訓唔著,結果睇完尋秦記就安心睡了!


估唔到當天影得最多係掛頭呀!


在等緊新郎黎的期間,就玩返下先,不過我拎錯手呀!哈哈~

接新娘時,尹生他們的美少女戰士造型都好好笑呀!

同埋一班兄弟姊妹出盡力幫忙,真係好感激!雖然有d小插曲,不過係預算之內呀 !=_=

不過當天時間非常緊迫呀,去唔到外影,浪費咁好的天氣!唯有直接去酒樓啦,律師仲要遲到,本來想5點半證婚,但鄭律師6 點先黎到=_=


到致詞時,萬萬估計唔到尹生會喊囉!結果大部分我講晒!個個都好出奇,點解身分好似掉轉左呀!哈哈~


敬酒時的造型~

不過當天有少許黑面,因為係咁影男家,仲要續圍叫,女家果邊影得好少,我果邊有少許投訴呢 !


送客時同阿豐佢地自拍!

但攝影師同埋化妝師好好,好幫得手呀!

現在我已經多左一個身分,要同尹生努力加油呀!

最後再次感謝當天的兄弟姊妹鼎力相助呀!