入直路

仲有兩個月就到喇，衫方面已經定晒了，

由於敬酒果條紅色裙不在，唯有就影住model 著緊俾化妝師睇啦！

成長片段亦都搞掂，交晒貨俾攝影師搞，現在等收貨中，好期待呀。

人名list 兩邊都未俾齊我，好多無名氏，話要請要請，但唔記得叫咩名 =_= 時間唔多，追名都追到口臭！

準備結婚d野， 要同父母嘈交的指數上升，一個話自己好易話為， 另一個話自己唔傳統，結果最多意見係呢兩個！真係好煩! 

下個月開始要準備過大禮d 野，希望唔好再有野嘈！

這陣子

這陣子完全沒有時間update ， 發生很多事， 裝修完的屋企突然爆咸水，真係好黑仔。

工作上忙之餘，仲令我好唔開心，老闆每次都新要求，仲加一句「咁樣幫不到手！」真係好想講一句「你自己找一個幫到你手的人做啦，我唔做喇！」吃力不討好，做到無時間食早餐、午飯、ot 、咳到甩潤都仲返工，換來係「你咁幫唔到手！」

係時候想想出路！

病了成個月，咳果然係我黑星，好難斷尾！成個月喇～幾時先好！好阻到我減肥進度呀！=_=

還有差不多三個月就到大日子喇！好驚呀～好多野未做呀！點算好！

Rundown

這幾個月在公司實在太忙，結婚的事完全沒有時間搞，所以襯7月，開心鬼放暑假的時候，見有點時間，所以就開始著手我 first draft 的 rundown!

在公司整，又要想配合好d時間，的確想到我頭都大埋！

但現在起碼完成左個大概。之後再慢慢執d時間。

我諗完成左個first draft, 應該唔會再發夢無rundown 喇卦。=_=

尹生大壽

1June 2015

本來今天想請假等尹生收工，可惜鬼佬老闆話今日要出bill, 我唔想留屎俾人跟，唯有今天唔拎假返工啦！

結果鬼佬又欺騙，沒有做bill=_=, 早知我就放假啦！結果今日要生日的尹生，等我收工！

由於我bk 左7點半，黎開餐仲有一段時間，所以我地去實惠睇已經買左的床，因為師傅要我們再度度油壓床的高度，度完再去看衣櫃！

時間過得好快，地板、洗手間、廚房已經鋪好磚！這位師傅真係無欺騙我地呀！

今天同尹生bk Mr steak , 最主要係因為心太軟甜品可以留言寫字(☆_☆), 吃到咁上下就去拎心太軟，送給尹生呢！

Hee~唔錯呀！

今天還試第一次吃的香蕉船，但味道一般,點解d人話好好味呢？

尹生生日快樂呀！

開始

師傅好快手已經清場。

星期六仲約了師傅傾埋電掣的問題，床的尺寸、電視機安裝咩位置感覺好似ko 左好多野呀。

這位師傅做野好上心，又幫我地格價, 期待七月裝修完畢會係點呀(☆_☆)

Rundown

近日睡眠質素好差，今日放假諗住可以訓好d, 點知又再次發夢自己已經到big day 當日，但自己未整rundown, 咩都未準備好， 連出門時間都過左， 就咁就嚇醒左！

起身感覺俾睡前仲累。我同尹生講，尹生話我太緊張，但明明自己無諗，但發夢真係控制唔到。

唉～

珍珠橙

星期六同尹生下午一早外出去旺角，原因係去看鐵閘圖，其實幅圖可以whatsApp 看，因為只不過電腦圖, 看了都覺得ok, 但仍然選擇中，有兩個款價錢相差700 蚊，究竟要平的好，定係貴的好？ 都係問問師傅意見。

由於早左出來，所以去花墟走走，發現了好得意的植物，叫做珍珠橙，

白色的望落好舒服呀！

所以本來普通閒逛，變左尋找白色珍珠橙（尹生話應該會有再平d), 結果走弓整個花墟，價錢差不多之餘，白色的都唔多地方有，最後我地都係行返第一間買(☆_☆)

回家上網找種植珍珠橙的資料，如果我無了解錯誤，好似白色的珍珠橙最後都會變成橙色（成熟期）。

σ(^_^;) 等我仲好白痴係咁搵白色珍珠橙，原來最後都係會變成mini 桔。

現在仍然好健康的在家。

緣路有你

星期六同尹生去了一間餐廳吃晚飯，店內播放了一首純音樂，令我又想起這套日劇，讀書時期好熱愛呢～

唔知道網上仲有無呢套日劇呢？我想重睇一次呀！還記得反町隆史在劇中個名字叫阿薰呢～ 

現在再次聽返呢首主題曲，都覺得好好聽呀！(☆_☆)

「Can you celebrate 」

http://youtu.be/YH4RnkpqAJU

在YouTube 搵唔到舊版，可能先入為主，我覺得新版加了小提琴無咁好聽，但搵唔到舊版，就只好聽住新版頂住先啦（≧∇≦）

餅卡問題， 火都黎呀！

14 March 2015

今天同尹生去會展行婚紗展，我地掛住傾計無留意指示，直接行去hall 1, 以為同上年一樣， 但到左hall 1, 感覺好格格不入，先知道hall 1 是擺另一樣野，而婚展轉左去細場hall 5呀。

入到去尋找餅卡的位置，我們決定了買東海堂，d餅好似靚過美心。買了120張，其實預左要再買呢。

之後仲試左d紅酒，買左支等尹生回家問意見，ok 就決定！

派餅問題，真係好煩！

件事係咁： 我阿媽見人地（親戚）四月嫁女，請我地全家，人地俾三張餅卡佢，原因好簡單我大佬二佬各自一家，所以每家俾一張， total 3 張好數。

我阿媽見人派三張，又要我派返三張俾人，大佬呀佢個仔又未結婚，派咩三張呀，根本條數唔係咁計！

我死都唔肯，我話咁想派三張，咪還返人地俾果三張佢囉。橫掂我不太喜歡果家人！

之後又話舅父要兩張餅卡，洗唔洗兩張咁多，有咪得囉。仲要派兩張咁多。呢樣野我算！

之後話佢街市朋友，唔請人飲都要俾餅卡，癲架！我呢個打死都不服從呀！

成日拎我d錢去貼自己面子！話人地都係咁請佢喎！我唔會俾架！佢話自己俾錢，我有得佢呀！

最最最難聽的一句，我阿媽話「做大事唔好慳呢d小數」⋯⋯⋯⋯痴線，聽完真係火都黎，咩叫小數目，餅卡都買左4千幾， 仲有14萬未找數！有錢都唔係亂用囉，成日話收得返，呢個係其次，最怕唔夠錢找數！

還有其他野未買，潮州餅、紅酒、阿媽租衫、過大禮燒豬、過大禮d用品、當日派利是d錢⋯⋯

所以點可以亂用錢呀！

最後一年

支助我個幾月的飯錢，今年係最後一年喇！今年每次𢭃時，大家都係講同一樣的說話， 真係好好笑。「出年到你喇！」「歡迎明年加入我地呀！」

昨日我先醒起未拆利是，拆之前影一張相留念呀！

(☆_☆)慳慳地的話，兩個月可以免費飯錢呀！yeah~

尋找花車

7 March 2015

揀左好耐, 今天來到荃灣，目的就是看花車，由於好少到荃灣（對上一次來係傾報置），所以早點來搵路！

順便可以荃灣一日遊呀！

終於見到實物，架車都好新，唔錯呀！感覺好玩具呀(☆_☆)

我同尹生都幾滿意，而且仲包報置，包車頭公仔，（小丸子&花輪同學的組合無機會出現喇）

睇完車就周圍蕩，因為會員的關係，去了喇Ruby Tuesday! 半價真的好抵呀！

羊咩咩

新年前，公司樓下的新年擺設好用心製作，好多羊公仔呀好可愛。

然後無幾耐就出通告，我們有機會領養牠們回家呀。我當然都有參加(☆_☆)

琴日開始抽籤，我們公司被抽中三位，都好利害呀，可惜我唔中呀！不過好搞笑，管理處話會帶d羊做spa,同佢地洗白白先送俾幸運兒呀!

但想不到抽不中的都有安慰獎，送了一隻細羊俾我地呀（≧∇≦）

來自New Zealand 的羊咩咩＼(^o^)／

仲要係真羊毛，管理處今年真的好落本呀。

大年初一

大年初一，去了尹家拜年，家裡多左一位短暫成員

佢叫啫喱呀，這位小朋友暫住在尹宅兩天，但已經好痴Vincent 呀，Vincent 去邊，佢就跟住尾去邊，Vincent 一坐低，佢就跳上Vincent 大臂坐低, 好搞笑好得意！

坐下坐下就訓著左呀！ (☆_☆) 

我都同佢玩熟了。簡直係天然暖爐呀！

我們都來張初一合照，但啫喱仍然訓著了（≧∇≦）

回家老豆都放工回來，今天他𢭃左好多利是！

他叫我們每人抽兩封，幸運的我，抽到一封一百蚊同一封二十蚊！行大運呀～

薯仔

13 February 2015

今天同尹生去了九龍城，要幫他細佬接薯仔回家，首先去搵野食先，去了一間叫「隆姐」的泰國餐廳，好味，個冬蔭公夠辣呀！

吃飽飽之後就真係去寵物店接薯仔喇，見到牠的皮膚病，真係要想想辦法解決呀。望見都「鄧」佢辛苦呀！

我拎住貓袋，尹生拎貓糧搭巴士回家，薯仔知道就快回家，郁得好勁呀，回到家放佢出來，好似皇帝一樣周圍巡邏，好搞笑呀！

轉款round 1

8 February 2015

今天約左轉衫款， 搞到頭都大埋，用左兩個半鐘頭，終於揀到，但係送客果條仲未揀到，唔係款式太似，一係顏色相近，我實在太重覆自己喇，唯有要等下下次round 2 時再決定啦！

但萬萬估不到我選了這條敬酒裙（暫定）呀！著上身尹先生覺得好睇呀！但如果真係著這條裙敬酒，真係要行得好小心呀！

要著得好睇要再努力減呀！

今天仲揀埋裙掛， KO 晒，不用煩了！

試完衫之後，就行去旺角，拎買了的耳環，好閃好閃呀！

希望結婚當天岩洗啦～

壓力

這星期真係忙到不得了，晚晚ot, 去洗手間的時間都沒有！每次都係未做完一樣，老闆又叫我入房，唔係問野就要搵野，一係俾另一樣野我做，樣樣都urgent, 真係唔知想做邊樣先！

個客又急，前一分鐘俾instructions, 下一分鐘就要我地俾野佢!

每日都係咁，發夢都夢到返工呀！好辛苦

前日開始左邊心口痛， 好似針拮一樣，仲要開始氣喘（唔知係咪轉天氣的關係？）

所以就去睇中醫, 我講左病情， 醫生把脈，話我精神壓力大, 係咪好多野做同多野諗，全部都因為壓力而影響呼吸同心口痛。

醫生仲話工作永遠做不完，要放鬆下。

唉～講真係容易，好難做到呢。

完結未？

究竟幾時先完結，一個月內睇四次醫生，氣管咳完，現在又來傷風感冒，洗唔洗咁密呀！

連尹生都取笑我點解會咁易病！

每次睇醫生，醫生都來一句「你仲未得呀？」，真係十分無奈，真心想講「醫生你估我想架咩～ 好返就唔會來找你啦！」

唉～～～又食（濛）仔丸！

最後十個月零⋯

之前貪得意，在手機download 左個countdown 的app , 倒數一下還有幾多天後就結婚！ 

Download 完set 好晒，就無入去望，近日再入去先知道，原來仲有10個月呀！

現在開始搞證婚同bk 車，本來想自己節省點找自己老闆做證婚，她都好樂意，但是某d原因，再加上自己懶，所以都係俾錢人賺啦！

因為太多野搞，慶幸尹先生幫我分擔一下，證婚律師同bk車，我找好了就交給他處理呀！真的謝謝他呀！

公司同結婚兩邊忙，開始ot, o不停呀！唉～ 之後仲大把野搞，裝修、傢私諗起就煩，只好盡量堆晒星期六日處理啦！

2015年

話咁快又過新一年喇！

但仲係懶懶閒，唔係好知我仲有幾多野未做呀？

某天上Vincent 家，佢細佬隻貓，薯仔又好似肥左好多呀！定係未剪毛影響呢？哈哈～

新一年終於換了個新電話，但仍然為舊電話內的資料煩惱中！點解同步唔到架！