今天同尹生去會展行婚紗展，我地掛住傾計無留意指示，直接行去hall 1, 以為同上年一樣， 但到左hall 1, 感覺好格格不入，先知道hall 1 是擺另一樣野，而婚展轉左去細場hall 5呀。
入到去尋找餅卡的位置，我們決定了買東海堂，d餅好似靚過美心。買了120張，其實預左要再買呢。
之後仲試左d紅酒，買左支等尹生回家問意見，ok 就決定！
派餅問題，真係好煩！
件事係咁： 我阿媽見人地（親戚）四月嫁女，請我地全家，人地俾三張餅卡佢，原因好簡單我大佬二佬各自一家，所以每家俾一張， total 3 張好數。
我阿媽見人派三張，又要我派返三張俾人，大佬呀佢個仔又未結婚，派咩三張呀，根本條數唔係咁計！
我死都唔肯，我話咁想派三張，咪還返人地俾果三張佢囉。橫掂我不太喜歡果家人！
之後又話舅父要兩張餅卡，洗唔洗兩張咁多，有咪得囉。仲要派兩張咁多。呢樣野我算！
之後話佢街市朋友，唔請人飲都要俾餅卡，癲架！我呢個打死都不服從呀！
成日拎我d錢去貼自己面子！話人地都係咁請佢喎！我唔會俾架！佢話自己俾錢，我有得佢呀！
最最最難聽的一句，我阿媽話「做大事唔好慳呢d小數」⋯⋯⋯⋯痴線，聽完真係火都黎，咩叫小數目，餅卡都買左4千幾， 仲有14萬未找數！有錢都唔係亂用囉，成日話收得返，呢個係其次，最怕唔夠錢找數！
還有其他野未買，潮州餅、紅酒、阿媽租衫、過大禮燒豬、過大禮d用品、當日派利是d錢⋯⋯
所以點可以亂用錢呀！
沒有留言:
張貼留言